Спорт Денес

Десетина илјади навивачи на Лос Анџелес Лејкерс ја испратија почесната поворка на градскиот тим кој успеа да ја одбрани шампионската титула во НБА лигата.

Навивачите стоеја покрај патот долг две милји (3.2 километри) и ги вееја знамињата препознатливи за Лејекрси или беа облечени во маички со слогани во чест на освојувањето на втората последовна титула.

Освен то,а луѓето носеа секаков вид тимски обележја, а некои дури и побарале слободен ден од работа за да ги поздрават своите миленици.

Ѕвездите на тимот Коби Брајант, По Гасол, Дерек Фишер, Ендру Бајнам и Рон Артест ги отпоздравуваа навивачите од отворениот камион, кој синоќа минуваше по улиците на Лос Анџелес во прославата на трофејот.