Спорт Денес

Жозе Мурињо со цел успешно да ја исполни својата мисија во Реал Мадирд каде што најверојатно ќе ја продолжи кариерата, со сигурност ќе донесе нови играчи по свој вкус.

По завршувањето на финалниот натпревар од Лигата на Шампионите каде што Мурињо по втор пат го освои трофејот тој најави дека негова следна мисија е да ја освои шампионската лига со три клубови.

Токму од овие причини, англискиот Деили Меил состави листа од „супер шест“ засилувања кон кои ќе цели Мурињо.

Маикон: Мурињо е премногу задоволен од формата на десниот бек на Интер па сигурно ќе се обиде да го донесе на Бернабе. Неговата моментална цена се проценува на околу 25 милиони фунти.

Ешли Кол: Доколку не успее да го обезбеди потписот на Кол, Мурињо ќе се насочи кон дефанзивецот на Лацио Александар Коларов којшто одлично би се снашол на левата бековска позиција. Србинот моментално на пазарот чини 15 милиони фунти.

Даниеле Де Роси: Играчот за врска на Рома кој воглавно оперира по десната страна ќе му даде свежина на тимот, доколку се знае дека Лас, Мамаду Диара и Гаго се непотребни. Финансиските проблеми на Рома можат да потпаднат под 40. милиони фунти, колку што е и вредноста на Роси.

Стивен Џерард: Капитенот на Ливерпул веќе објави дека нема да зборува за својата иднина до крајот на Светското Првенство, но несомнено е фрустриран од политиката на Ливерпул. Мурињо беше доста блиску до потпишување со него во 2005. година.

Франк Лампард: Клучниот играч во тимот на Челси предводен од Мурињо, со него тој ја освои лигата во 2005. и во 2006. година. Откако Мурињо замина во Интер, се веруваше дека и Лампард ќе го следи, но до тоа не дојде. Доколку добие повик од Реал можеби ќе биде потешко да го одбие...

Лусио: Бразилскиот дефанзивец од редовите на Баерн Минхен минатото лето беше еден од најдобрите трансфери на Мурињо во Интер, вреден само 4,2 милиони фунти. Доколку Реал го побара, Интер сигурно ќе побара двојно повеќе.