Спорт Денес

Орландо по големиот пресврт во третата четвртина од натпреварот го совлада Бостон со 96:89 (23:24, 17:27, 36:11 и 20:27).

„За три дена видов најдобра и најлоша четвртина на екипата која ја тренирам цели три години.“ - изјави тренерот на Меџикси, Стен Ван Ганди, потсетувајќи на поразот во петокот во Вашингтон (91:92) кога домаќинот во третата четвртина направи 39:17.

Винс Картер (на крајот имаше 20 поени) се потпиша како иницијаторот на пресвртот во Бостон Гарден каде гостите креираа неверојатна серија од 19:0.

На Бостон не му помогна ниту враќањето на Пол Пирс и Маркиз Данијелс, а најдобриот во тимот беше Реџон Рондо с о17 поени, девет асистенции и осум украдени топки.

Кевин Гарнет имаше девет скокови и стигна до бројката од 11.960 со што на 20-то место од „вечната листа“ го престигна Денис Родман.

„Мојот играч ми рече дека сме подобри од Орландо. Епа не сме. Не победија, Минатата сезона не елиминираа од плеј-окфот... Орландо е подобар ода нас, како и Атланта и Лејкерси.“ - бесен по мечот беше тренерот на Бостон, Док Риверс.

„Магичните“ (34:17) се втори на Истокот со две победи повеќе од Бостон и Атланта (32:17), односно со седум победи помалку од лидерот, Кливленд (41:11).

Ист скор како Орландо на Западот има второпласираниот Денвер, кој се наоѓа зад актуелниот шампион во најсилната кошаркарска лига во светот, Лејкерси кои имаат скор од 39:13.

Резултати:
Торонто - Сакраменто 115:104
Бостон - Орландо 89:96.