Спорт Денес

Играчот на Манчестер Сити, Вејн Бриџ е пред трансфер во Ливерпул, велат англиските медиуми.

Левиот бек на Манчестер Сити кој ќе наполни 30 години, се покажа како непотребен во својот тим, откако беше доведен српскиот интернационлаец од Лацио, Александар Коларов.

Англискиот репрезентативец е еден од фудбалерите на Манчестер Сити кој ретко ќе добива шанса за докажување во оваа сезона. Се предпоставува дека тој ќе биде во резервен план заедно со Крег Белами, Стивен Ајрланд, Роке Санта Круз, Недом Онуоха и Шон Рајт Филипс.

Од своја страна, новиот менаџер на „црвените“, Рој Хоџсон бара засилување по левата зона од одбраната откако Фабио Аурелио го напушти клубот како слободен играч, а Емилиано Инсоуа најверојтано ќе го напушти Ливерпул до крајот на преодниот рок затоа што во моментов е во крајна фаза од преговорите со Фиорентина.