Спорт Денес

Тренерот на Интер, Рафаел Бенитез сака во своите редови да ја доведе јужноафриканската ѕвезда од Евертон, Стивен Пиенар, пишува денешниот број на британското издание „Дејли Мејл“.

Шпанскиот стратег сакаше да го ангажира крилото уште додека беше тренер на Ливерпул, но тогаш обидите не завршија како што сакаше Бенитез.

Креативниот фудбалер остави одличен впечаток со настапите на Мундијалот во родната Јужна Африка, а освен тоа зад себе има и одлична сезона со тимот од Ливерпул во Премиер лигата.

Пиенар сеуште не постигнал согласнот за нов договор со Евертон и тоа може да доведе до промена на работната средина.

Од своја страна Интер призна дека може да привлече нов фудбалер со пасош надвод од Европската унија.

Евертон бара 15 милиони фунти за Пиенар, а Интер располага со доволно големи средства да го доведе во своите редови.

Ако трансферот не се оствари сега, Интер и Пиенар најверојатно ќе потпишат пред договор во јануари, според кој крилото ќе се пресели на Џузепе Меаца како слободен агент следното лето.